Zoroorót or ottot tuañr tu keen goriyoré embulens ore kol diya foribó

Salam! Zoroorót or ottot tuañr tu keen goriyoré embulens ore kol diya foribó yaan ei vidio ibát dehaibó.

Tuñi noto onno konokiya zodicé becabeci biyaraimmá oile, noto aksident ot duk faile Tripol Zero (000) ót kol dibá.

Tuñi maaná uggá interpreter mañtai diballá hoi faribá. Fakká gorí no zanilé, embulens ore kol diba.

Tuañrtú ekkan embulens kal gora foribo, zodice:

Siná bic noto tait

Akkittá gorí gal, hát noto teng notó matite mockil oile

Loú forá bon gori no farile

Niac loité mockil oile

Atikká fori gile goi noto foirlé

Suwá firá biyarám or doil behuc oile

Beci foorí gile

Noto gari eksident noto agat ór zoriya duk faile.

Tuañrtú ekkan embulens kal gora foribo, zodice tuañr goorá fuá:

Hóm comot biyaram ot forile

Niac loite mockil oile

Túth or rong bodoli gile noto nil oile

Gum ot fori zar goi fán gorer noto tuañr matánir zuwáb no dile

Suwá firá biyarám or doil behuc oile

Doór eksident oile noto duk faile, mesal haddí bangile noto doór haçile.

Zette niki Tripol Zero (000) ót kol dibá, oparetor tuañré fusar goibó, ‘Police, Fire or Ambulance?’. Tuañrtú huá foribodé ‘Ambulance’.

Yaár badé fusar goibó, ‘Suburb and State’. Tuañrtú tuañr sabarb huá foribodé mesal ‘Logan, Queensland’.

Tuñi oparetor ore maná interpreter diballá hoi fariba endilla goriyoré: ‘I need an interpreter in Rohingya.’

Interpreter faite ezzo oile como lagito fare, otolla farile tuañr goror tikaná tuñi Ingrazít hoi fariba arde fun ót soói goriba.

Hono comot hitará fuañti fuañti embulens fatái ditoó fare.

Foosar gore de ottót lamar maloomát okkkol dio :

Tuñi hoçe aso

Tuañr foón nombor arde nám

Ki emerzensi buzái hoón

o            Keén oyyedé?

o            Hotozon manuc duk fayyé noto biyaram oiyede?

o            Tuñi ki manuc hibár fuañti aso?

o            Biyaraimmár boc hoto?

o            Hibá ki seton ne?

o            Hiba ki niac loi farer?

Interpreter operator oré tuañr maloomat okkol funaibó arde yaár baade embulens lagile fataibó.

Queensland ót embulens maána faiba.

Tuñi embulens orlá entezar goribá de ottót, ezzo oile tuañrtú embulens aye fán telefun dorá thaká foribó.

Biyaraimmá noto zokom faiyyedé manucor hibaré modotór babote ezzo oile tuañre interpreter dí hotá hoibo.

Tuñi embulens orlá entezar goribá de ottót,

tuñi biyaraimmá noto zokom faiyyedé manucor fuañti thaho.

Farile tuñi, biyaraimmár Medicare kard (hibattú thakile), helthkeyar kard, praibet sheet or insurens or maloomat, dawazi arde GP ír babote dola goibá.

Aizzó uddá tuñi lain ot thakile, interpreter oré embulens aiccé dé yaán hó.

Paramediks okkole biyaraimmár biyaraimmár zimma loibó.

Telefun ót asé dé interpreter tuañre hoñtté telefun raka foribó hiyán hoibó.

Tuñi paramediks okkoloré biyaraimmár fuañti hospital fán zai fariba ne fusar gori sai faribá.

Tuñi embulens ot arde hospital zaioréo maaná uggá interpreter mañtai diballá hoi faribá.

Hoyék haftá bade…

Emerzensi oibár báadé, tuañr GP ír fuañti uggá apointment booking loite no foraibá.

Zodice yaán ekkan emerzensi oi thake mogor tuañrtú sheet or mocowara lager, kal goro 13 HEALTH eçe 13 43 25 84 nars loi hotha hoiballá. Heçe tará tuañr lá telefun ór wuré maaná uggá interpreter mañtai faribó.