How to call an ambulance (Tok Pisin)

Hello! Dispela vidio bai soim yu olsem wanem yu ken singautim ambulens long taim bilong bikpela hevi.

Ringim Tripela Zero (000) bilong kisim ambulens sapos yu o wanpela i sik nogut tru, o wanpela i kisim bagarap long eksiden.

Yu ken askim long kisim wanpela man bilong tanim tok long fri.

Sapos yu no save, yu ken ringim ambulens.

Yu mas ringim ambulens sapos yu gat:

• bros pen o pen long bros
• wantu i no gat strong long pes, han o lek i no gat strong o yu no inap toktok gut
• blut i no laik stop
• pen long pulim win
• wantu em i pundaun
• sik bilong het
• ol bikpela bagrap long skin
• o sapos wanpela man i kisim bagarap long eksiden bilong ka o narapela man i bagarapim em.

Yu mas ringim ambulens sapos pikinini bilong yu i:

• sik bilong em i go bikpela hariap
• i hatwok long pulim win
• skin i waitpela o blupela klostu long maus
• em i save slip o em i no save harim maus bilong yu
• em i kisim sik
• em i kisim bikpela bagarap o em i kisim bagarap olsem bun i bruk o em i kisim bikpela sua.

Taim yu ringim Tripela Zero (000), operesen bai askim Police,Fire or Ambulance? . Yu mas tok "Ambulance".

Na ol bai askim ‘Suburb and State ‘. Yu tok hap bilong yu i stap long en, olsem "Townsville" and "Queensland".

Yu ken askim operesen long givim yu wanpela man bilong tanim tok ples na tok olsem: ‘I need an interpreter in Tok Pisin’

Ating sampela taim bai lus bilong kisim wanpela man bilong tanim tok bilong yu, olsem na sapos yu inap, yu mas tokim ol long adres bilong yu long tok Inglis na toktok long telefon.

Sampela taim ol inap salim ambulens i kam kwiktaim.

Yu mas givim dispela tok taim ol i askim yu olsem:

• Ples yu stap long en
• Namba bilong telefon na nem bilong yu
• Stori long hevi i kamap
• Wanem samting i kamap?
• Husat i kisim bagarap o sik?
• Yu stap wantaim dispela man?
• Man i gat hamas krismas?
• Ol i kirap pinis o nogat?
• Ol i save pulim win?

Man bilong tanim tok bai tokim operesen long yu na salim ambulens i kam sapos em i mas.

Ol ambulens i no gat pe long Queensland.

Taim yu wetim ambulens i kam, ating yu mas i stap long telefon inap long ambulens i kam.

Man bilong tanim tok inap tokim yu long ol rot bilong helpim sikman o man i kisim bagarap.

Taim yu wetim ambulens i kam, yu mas stap wantaim man i gat sik o man i kisim bagarap.

Sapos yu inap, painim Medicare kat bilong sikman (sapos em i gat wanpela), kat bilong helt sevis, infomesen bilong sait bilong sik, ol marasin bilong stretim sik, na ol infomesen bilong dokta bilong em.

Sapos yu toktok yet long telefon, tokim man bilong tanim tok olsem ambulens i kam pinis.

Ol paramedik bai lukautim sikman.

Man bilong tanim tok long telefon bai tokim yu long wanem taim yu mas stopim telefon.

Yu ken askim ol paramedik long kisim sikman i go long haus sik long ka bilong helpim sikman.

Na tu, yu ken askim ol long givim man bilong tanim tok ples long yu long ambulens na long haus sik, na i no gat pe.

Sampela de o sampela wik bihain...

No ken lusim tingting long makim taim bilong go lukim dokta bilong yu bihain long taim bilong sik.

Sapos em i no wanpela bikpela hevi, tasol yu nidim helpim long sait bilong helt, yu ken ringim 13 HEALTH long 13 43 25 84 bilong toktok wantaim wanpela nes. Ol i ken singautim wanpela man bilong tanim tok long telefon bilong helpim yu, em i no gat pe.